Kay Hesus na Nakabayubay

Refrain:
Hesus na sa Krus nakabayubay
Inialay sa akin pati buhay
Ikaw ang sa aki'y maging gabay
Sa pagbubukas ng aking kamay.

Bukas ang 'Yong duguang kamay,
Sa kaibigan man o kaaway.
Gawing bukas din pati aking buhay,
Nang sa kapwa ko, sarili'y maialay. (Ref.)

Pagka't kung hanap ko ay Ikaw,
Sa kapwa ko Kita matatanaw
Sa nagtitiis ng gutom at uhaw,
Higit nga kitang maaaninaw. (Ref.)

Bigyan Mo ako ng 'Yong lakas,
Nang katulad Mo ay mangahas.
Tumahak sa anumang landas,
Masundan lang ang Iyong bakas. (Ref.)

Return to the Music page.